Харыет Бакер

Харыет Бакер
нарв.: Harriet Backer
Імя пры нараджэнні	Harriet Backer
Дата нараджэння	21 студзеня 1845(1845-01-21)[…]
Месца нараджэння	Holmestrand[d], Вестфал, Эстланд, Нарвегія
Дата смерці	25 сакавіка 1932(1932-03-25)[…] (87 гадоў)
Месца смерці	Осла, камуна Осла[d], Нарвегія
Месца пахавання	Спаскія могілкі[d]
Грамадзянства	Нарвегія
Бацька	Niels Backer[d]
Род дзейнасці	мастачка
Жанр	жывапіс і графіка
Вучоба	Hartvig Nissen School[d]
Уплыў на	Ludvig Karsten[d], Henrik Lund[d] і Oscar Sivertzen[d]
Член у	Нарвежская асацыяцыя правоў жанчын[d]
Узнагароды	King's Medal of Merit in Gold[d] (1 ліпеня 1908)
Медыяфайлы на Вікісховішчы

Харыет (Гарыет) Бакер (нарв.: Harriet Backer; 21 студзеня 1845, Холместран — 25 сакавіка 1932, Осла) — нарвежская мастачка, адна з першых прафесійных жанчын-мастачак Скандынавіі.

Жыццё і творчасць

У 1857 годзе, ва ўзросце 12 гадоў, Харыет з бацькамі пераехала ў Хрысціянію. Вывучаў жывапіс і графіку ў Яахіма Калмеера і Ю. Ф. Экерсберга. Шмат падарожнічала па Еўропе разам са сваёй сястрой, вядомай піяністкай і кампазітарам Агатай Бакер-Грэндаль, працягвала вывучэнне жывапісу ў Мюнхене (1874—1878) і ў Парыжы, дзе яна жыла з 1878 па 1888 год, у Леона Бана. У 1888 годзе яна назаўжды вярнулася ў Нарвегію. З 1889 па 1912 год яна працавала ў мастацкай школе і аказала ўплыў на шэраг маладых мастакоў, сярод якіх быў Хенрык Лунд.

Сама мастачка не суадносіла сваю творчасць ні да адной з плыняў мастацтва, якія існавалі ў яе час, аднак яе творы створаны ў большасці сваёй у рэалістычнай манеры. Пасля знаходжання ў Парыжы і знаёмства з працамі французскіх майстроў у яе палотнах адчуваецца ўплыў імпрэсіянізму. Знаходзілася таксама пад творчым уплывам свайго блізкага сябра, мастака Эйліфа Петэрсена.

Работы Х. Бакер былі ўдастоены сярэбранага медаля на Сусветнай выставе ў Парыжы ў 1889 годзе. У 1908 ёй быў прысуджаны Залаты каралеўскі медаль за заслугі. Работы мастачкі можна ўбачыць у найбуйнейшых мастацкіх музеях Нарвегіі.